सनराईजले प्रस्ताव गर्यो आकर्षक बोनस सेयर, हालको तीन कित्ता बराबर एक कित्ता बोनस

सनराईज बैंकले गत बर्षको खुद नाफा र जगेडा कोष उपयोग गरी लगानीकर्तालाई ३३.३३ प्रतिशत अर्थात हालको तीन कित्ता बराबर एक कित्ताका दरले बोनस सेयर बितरण गर्ने प्रस्ताव गरेको छ । बैंक संचालक समितिको भदौ २९ गते बसेको बैठकले लगानीकर्तालाई आकर्षक बोनस सेयरसनराईज बैंकले जारी गरेको प्रेस बिज्ञप्तिमा नारायणी नेशनल फाइनान्स लिमिटेडलाई प्राप्ति गरे पश्चात् कायम हुन आएको चुक्ता पूँजी रु. तीन अर्ब ९७ करोडमा २०७३ आषाढ मसान्त सम्मको जगेडा कोष र गत बर्षको खुद नाफाबाट ३३.३३ प्रतिशत बोनस सेयर वितरण गर्ने निर्णय गरिएको उल्लेख छ । 

सनराईजले एक अर्ब बत्तीस करोड त्रिपन्न लाख अठ्चालीस हजार आठ सय रुपैयाँ बोनस वापत पूँजीकृत गर्ने भएको छ । बैंकका अनुसार आयकर ऐनको दफा ४७ क अनुसार मर्जर तथा प्राप्ति गर्ने वित्तीय संस्थाहरुको हकमा दुईवर्ष सम्म लाभांश बितरणमा लाभांश कर नलाग्ने व्यवस्था रहेकोले त्यसको लाभ समेत लगानीकर्ताले लिन पाउने भएका छन् । गत आर्थिक वर्ष बैंकले नारायणी नेशनल फाइनान्सलाई प्राप्त गरेकोले शेयरधनीहरुको प्राप्ति अघि सम्म कायम सेयरमा लाभांश कर नलाग्ने र सो पश्चात् प्राप्त गरेको सेयरको हकमा लाग्ने लाभांश कर सम्बन्धित शेयरधनीहरु स्वयंले ब्यहोर्ने गरी त्यस्तो कर रकम वोनस सेयर वितरण गर्ने वखत असुल गर्ने प्रस्ताव गरिएको जनाईएको छ ।

 गत बर्ष नारायणी नेशनल फाईनान्सलाई किनेको सनराईजले ९५ करोड खुद नाफा गरेको थियो । उसले अघिल्लो बर्ष ४७ करोड मात्र खुद नाफा कमाएकोमा १०२ प्रतिशतले बृद्धि गरेको हो । नारायाणी नेशनललाई किन्दा बचेको स्वाप समेत उपयोग गरी उसले यसपटक बोनस प्रस्ताव गरेको देखिएको छ । राष्ट्र बैंकले तोकेको चुक्ता पूँजी आठ अर्ब पुर्याउँन नबौ साधारणसभा आब्हान गर्दाको बखतमा ३० प्रतिशत भन्दा माथिको अनुपातमा हकप्रद पनि प्रस्ताव हुने संभावना बढेको छ । प्रस्ताव गरेको हो ।

Labels: Business