२३ प्रतिशतले बढ्यो शेयर कारोबार, नेप्से १८२३ अंकमाथि
यस साता शेयरबजारमा आठ अर्ब ५२ करोड १९ लाख रुपैयाँ बराबरको शेयर किनबेच भएको छ । जून गत साताको तुलनामा २३ प्रतिशतले बढी हो । कारोबारसँगै यो साता नेप्से समेत उकालो लागेको छ ।साथै यसैसाता बजारमा एक वाणिज्य बैंक सहित विभिन्न पाँच कम्पनीको हकप्रद र बोनश गरी एक करोड ३४ लाख कित्ता बढी शेयस साता नेपाल स्टक एक्सचेन्जमा १६३ कम्पनीहरुको ४१ हजार ८ सय ५ कारोबारबाट आठ अर्ब ५२ करोड १९ लाख ४८ हजार रुपैयाँ बराबरका एक अर्ब १६ लाख ७९ हजार सात सय कित्ता सेयरहरु खरिद बिक्री भएका छन् ।
कारोबार रकम गत साताको भन्दा २३.३३ प्रतिशत बढि हो ।
गत साता १५७ कम्पनीहरुको कारोबार भएको थियो । जस अनुसार ३३ हजार ९ सय ३२ कारोबारबाट ६ अर्ब ९१ करोड ४१ लाख ३३ हजार रुपैयाँ बराबरका ९७ लाख १५ हजार सात सय ८० कित्ता सेयरहरु खरिद बिक्री भएका थिए ।यस साताको नेप्से परिसूचक पहिलो दिनको तुलनामा ३.२२ अंकले बढेर अन्तिम दिन १८२३.०५ अंकमा पुगेको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ०.३९ अंकले बढेर ३९५.५७ अंकमा आईपुगेको छ ।
यस साता कारोबार रकम ( ७६ करोड ८८ लाख २० हजार रुपैयाँ) को आधारमा नेपाल बंगलादेश बैंक लि. अग्रस्थानमा रहेको छ । त्यसैगरी कारोबार भएको सेयर संख्या (१४ लाख ३४ हजार कित्ता) को आधारमा एनएमवि सुलभ इन्भेस्टमेन्ट फण्ड १ अग्रस्थानमा रहेको छ । त्यसैगरी कारोबार संख्या (६६८२ वटा) को आधारमा नेपाल इन्भेस्टमेन्ट बैंक लि. अग्रस्थानमा रहेको छ ।
0 comments
Write Down Your Responses